Program
minor Bahasa Kadazandusun nokotimpuun mantad semester koduo 2010/2011 id Universiti Pendidikan Sultan Idris.
Soginumu 13 mahasiswa/i mantad mogisuusuai fakulti
tinumanud program diti id suang intake koduo
sesi 2011/2012. Mahasiswa/i i tinumanud program diti mantad mogisusuai tinaru id KadazanDusun
miagal ko Bundu Liwan (2 tulun), Dusun (2 tulun), Dusun Keningau (4 tulun),
Kimaragang (songulun), Dusun Gana (songulun), Dusun Tindal (2 tulun) om Kadazan
(songulun).
Mogisusuai tinaru id suang
KadazanDusun popkito do pomogunoon boros i au kopiirad. Mahasiswa/i i minanganu
minor diti aiso komimilaan mantad id sikulan tosiriba toi ko takawas. Mantad dii
haro kobolingkaangan doilo do mangarati boros Bundu Liwan (standard boros) id suang pongiaan boros KadazanDusun. Haro 3 tulun
i au koilo mimboros momoguno doros diti sabab mimboros boros suai id walai
diolo. Okuri nodi kotumbayaan id tinan sondii soira mimboros do boros diti. Id semester koduo program diti, sinumoliwan nodi yolo mantad minor KadazanDusun om mianganu yolo do minor suai.
